Español | Contacta con nos
NOVAS DE OUTES

EXCLUSIÓN DA OBRIGACIÓN DE FACTURACIÓN ELECTRÓNICA

[02/03/2015] O Concello de Outes expón ao público o acordo do Pleno da Corporación do 26 de febreiro de 2015 sobre a introdución nas bases de execución do orzamento da Corporación de 2015 da seguinte norma:

"Base 21ª bis.- Exclusión da obrigación de facturación electrónica

Ao abeiro do derradeiro parágrafo do artigo 4º da Lei 25/2013, do 27 de decembro, de impulso da factura electrónica e creación do rexistro contable de facturas no sector público, exclúense da obrigación de facturación as facturas dos provedores de bens e servizos cun importe de até 5.000 €."

As persoas e as entidades interesadas poderán presentar as suxestións e reclamacións que xulguen oportunas no prazo de quince días contados des que se publique este anuncio no Boletín oficial da provincia da Coruña. De non habelas, o acordo entenderase aprobado definitivamente.

Outes, 2 de marzo de 2015.
O ALCALDE

Carlos E. López Crespo


XIX CERTAME DE POESÍA FRANCISCO AÑÓN

Certame de poesía

[12/02/2015] O Concello de Outes, comprometido e interesado en promover os valores creativo-literarios da nosa lingua e querendo deste xeito contribuír a apoiar aos novos valores da nosa cultura e das letras, organiza este certame de poesía, certame que leva o nome do máis ilustre literato do noso Concello, Francisco Añón, autor do "Rexurdimento" e un dos precursores da lingua galega.

Máis información e bases do concurso


RESOLUCIÓN DA CONVOCATORIA DE AXUDAS AO TRANSPORTE ESCOLAR 2014/2015

[13/02/2015] O Concello de Outes publica a resolución da convocatoria de axudas ao transporte escolar para o curso 2014/2015.

Ver resolución


PROBAS PARA A OBTENCIÓN DO TÍTULO DE GRADUADO EN ESO PARA MAIORES DE 18 ANOS

[23/01/2015] O Concello de Outes informa de que a Consellería de Cultura, Educación e Ordenación Universitaria, publicou unha resolución no DOG (Diario Oficial de Galicia) do 21 de xaneiro pola que se convocan as probas para a obtención do título de Graduado en Educación Secundaria Obrigatoria (ESO) para maiores de 18 anos, nas convocatorias de maio e setembro.

Os prazos de matrícula son:

  • Convocatoria de maio: do 16 ao 27 de marzo de 2015
  • Convocatoria de setembro: do 1 ao 10 de xullo de 2015

As persoas matriculadas para a primeira convocatoria, se non superan a totalidade dos ámbitos da proba, consideraranse matriculadas para a segunda convocatoria sen que teñan que presentar nova documentación.

Máis información no DOG do Mércores, 21 de xaneiro de 2015 ou contactar coa orientadora laboral no teléfono 981 851 094 ou ben na Rúa da Capela nº 13, 1º andar (Outes).


ACTIVIDADES DO CIM

[23/01/2015] O Concello de Outes, a través do Centro de Información ás Mulleres, organiza as seguintes actividades:

- O CLUB DE CALCETA: Realizarase entre os meses de xaneiro e marzo, nas parroquias de San Cosme, O Freixo, Cando e Valadares.

Máis información

- TALLER DE SAÚDE: COIDADOS PARA PERNAS CANSADAS: Nos locais sociais de Cando, San Lourenzo, O Freixo, Valadares, San Cosme, San Ourente, Cuns e Pontenafonso. Prazas limitadas.

Máis información

 

 
 
Axenda local
 
Taboleiro de anuncios
 
Perfil de contratante
 
Teléfonos de interese
 
Descarga de impresos
 
Facebook: Outes, cultura e mocidade
 
Sede electrónica do Concello de Outes
 
Centro náutico
 
Contacto directo
 
Outes a un clic
 
Asociacións
 
Punto limpo
 
O tempo en Outes
 
O tempo en Outes
 
galeguizargalicia.tv
 
NO HATE
 
Premio de historia medieval
 
© CONCELLO DE OUTES | Aviso legal