O I.E.S. Poeta Añón da Serra de Outes foi creado en 1999 como un centro de Educación Secundaria Obrigatoria co fin de escolarizar nestas ensinanzas ós alumnos que rematan a Educación Primaria nos colexios do Concello. É polo tanto un centro de nova creación para as ensinanzas derivadas da L.O.X.S.E.
É un centro de ensino público da Consellería de Educación e Ordenación Universitaria da Xunta de Galicia.

Actualmente asisten a este instituto 178 alumnos.

Equipo Directivo:

Director: Daniel Losada Andreu
Secretario: Fernando Otero Bugidos
Xefe de Estudos: José Antonio Vázquez López
Xefa de Estudos de adultos: María José Alfonso Torres

O instituto está situado na capital do Concello, un pouco ao oeste do centro da vila, nunha zona ampla, luminosa, tranquila pero ben comunicada e no comezo dun suave outeiro que lle da unha certa elevación respecto das zonas máis baixas e húmidas do val no que está situada a capital municipal.

A denominación do centro rende homenaxe ao ilustre poeta outiense, Francisco Añón.