O Punto de Atención á Infancia (PAI) do Concello de Outes é un servizo público de funcionamento diúrno, de carácter gratuíto, e de titularidade municipal para o apoio aos pais, titores e gardadores dos nenos de 3 meses a 3 anos de idade cando concorran circunstancias que lles impidan o seu coidado derivadas de situacións puntuais de necesidade, acceso á formación, acceso ao mercado laboral ou outras de natureza semellante.

O PAI é un servizo asistencial para os nenos que precisen de coidado durante un determinado período de tempo ao día, que ten carácter complementario á rede de centros de atención á primeira infancia existentes. Na actualidade conta con 20 prazas dispoñibles.

• fotocopia da tarxeta de vacinacións actualizada
• fotocopia da tarxeta de asistencia sanitaria
• Autorización escrita das persoas que poden recoller ao neno/a